داستان امیر حمزہ اردو کا بے مثل شاہکار ہے۔ اس داستانی سلسلے آٹھ دفاتر ہیں ۔ اس کی نولکشوری روایت ۴۷ جلدوں پر پھیلی ہوئی ہے۔ اس کا پانچواں دفتر طلسم ہوش ربا ہے جو سات جلدوں پر مشتمل ہے۔ پانچویں جلد کے دوحصے ہیں۔ یوں طلسم ہوش ربا کی آٹھ جلدیں بنتی ہیں۔ یہ آٹھ جلدیں طلسم ہوش ربا کی فارسی روایت کا ترجمہ بیان کی گئی ہیں۔ اس کی پہلی چار جلدیں محمد حسین جاہ کی تالیف ہیں۔ منشی نول کشور کا جاہ سے اختلاف ہو گیا اور انھوں نے ان سے قطع تعلق کر لیا۔ ان کی جگہ احمد حسین قمر نے پانچویں جلد  لکھنا شروع کی جس کے دو حصے ہیں۔ یہ داستان انھیں کے ذریعے پایہ تکمیل کو پہنچی۔ نولکشوری روایت  میں منشی احمد حسین قمر نے مزید دو جلدیں بقیہ طلسم ہوش ربا کے نام سے لکھ کر طلسم ہوش ربا کی جلدوں کی تعداد دس کر دی ۔ دلچسپی اور طوالت کے اعتبار سے طلسم ہوش ربا کا دفتر داستان امیر حمزہ کے باقی دفتروں پر فوقیت رکھتا ہے۔ 

plus-circle Add Review

comment

Reviews